Di alangan sa tukso ng ulan
Ang ihip ng hangin tila nambibitin
Atin ng simulan
Kahit walang mapaglagyan
Bukas ang lansangan
Saan mag-aabang ng araw
Sumama ka na,
Wag kang mawawala
Pagkat ngayong gabi'y puno ng alaala
Sabay nating saluhin
Anumang itapon ng bukas sa atin
Pipigtas, ililigtas
Sa mga buwaya
(Kasama ka sa 'kin bukas 2x)
Kahit ilang daang taon ang lumipas
Hinding-hindi makakahanap ng isang katulad ko
(Di ka ba nabubulag)
Hinding-hindi mapapantayan
Walang gulong ang aking palad
Paano nga pa ba ang lumakad?
Buksan mo ang pinto
Naghihintay na ang buong mundo sa 'yo
(Ano pa ang hahanapin? )
Lahat na ay sa akin
(Ano pa ang hahanapin? )
Lahat ay nasa akin
Aaaha...
Kung alangan sa tukso ng ulan
Hindi mapapawi ang init ng labi
Sa bawat hakbang
Sa kaliwa o sa kanan
Lampas sa hangganan
Doon mag-aabang ng araw
Kailangan kita,
Wag kang mawawala
Pagkat ngayong gabi'y puno ng alaala
Sabay nating harapin
Anumang itapon ng bukas sa atin
Bangon sa hukay, bigyan ng buhay
Ang pag-ibig na patay
Hukayin, buhayin ang pag-ibig natin
(Kasama ka sa 'kin bukas)
Hukayin, buhayin ang pag-ibig natin
(Kasama ka sa 'kin bukas)
