Che notte, che notte!
Che luna, che mare!
Stasera mme pare
scetáto 'e sunnà!
Cu st'aria serena
ca scippa d'o core
suspire d'ammore,
durmí nun se pò!
Chiara è 'a luna, doce è 'o viento,
calmo è 'o mare, oje Carulì!
'Sta nuttata 'e sentimento
nun è fatta pe' durmì!
Luntano, luntano,
'o mare turchino
vulesse, a te 'nzino,
nu suonno sunná!
Nu suonno 'e ducezza,
nu suonno 'ncantato,
cu tico abbracciato,
sunnanno, murí!
Chiara è 'a luna, doce è 'o viento,
calmo è 'o mare, oje Carulì!
'Sta nuttata 'e sentimento
nun è fatta pe' durmì!
Cchiù bella, cchiù doce,
'sta notte sarría
si tu, vita mia,
venisse a vucá!
Na storia d'ammore
te conto, si viene,
si caro mme tiene,
rispunne ca sí!
Chiara è 'a luna, doce è 'o viento,
calmo è 'o mare, oje Carulì!
'Sta nuttata 'e sentimento
nun è fatta pe' durmì!
Pe' durmì!
Pe' durmì!
Pe' durmì!
