Na luz di nha mimória tem
Rostu rugado, sinal di tempo
Costa ratxado sinal di xicoti
Mon calejadu, sinal di maltrato
Na luz di nha mimória tem
Melga, mosquito san tomé
Salmoura d’águ costa baxu
Txeru cacau, cuncun, café, ku fruta pon
Na luz di nha mimória tem
Nhu capataz, tem água izê
Fula, badiu, foro, papel
Tem casa grandi, tem sanzala
Na luz di nha mimória tem
Stória d’amor,stória di dor
Na luz di nha mimória tem
Stória d’um beju, um bafatada
Na luz di nha mimória tem
Stória d’um branco ki djunta ku preta, es fazi mininu bunito
Kusa da bronca, preta ba sanzala…
