Manú teve qui dexa se mãe
El teve qui dexa se terra
Pal ba pa terra longe
Mama flal: Fidje ca bu bai
M' ca ta podê guentá sem bô
M' ta morrê só di sodade
Sim m' ca ba nu ta morrê di fomi
Sem quem spiá pa nôs
Sem papa nô tem qui trabadjá
Pa nô ca padecê
One passode se pai morrê
Vitima dum duença diferente
E fica só cu se mãe
Por isso hoje el ta na strangero
Ta luta contra mar e vento
Pa fazê se mãe feliz
El regresa ess one pa se terra
El bem braça se mãe
Um mes dipos e torna ba strangero
Cu documento d'imigrante
