Te si' fatta ‘na vesta scullata,
‘Nu cappiello cu 'e nastre e cu 'e rrose...
Stive 'nmiezo a tre o quatto sciantose,
E parlave francese...è accussí?
Fuje l'atriere ca t'aggio 'ncuntrata?
Fuje l'atriere, a tuleto 'gnorsí...
T'aggio vuluto bene a te…
Tu m'è vuluto bene a me!
Mo nun’ ce amammo cchiù,
Ma, ‘e vvote tu,
Distrattamente,
Pienze a me!
Reginè, quanno stive cu mmico,
Nun magnave ca pane e cerase:
Nuje campávamo 'e vase! E che vase!
Tu cantave e chiagnive pe' me…
E 'o cardillo cantava cu ttico:
"Reginella 'o vò bene a’ stu rre!"
T'aggio vuluto bene a te!...
Oje cardillo, a chi aspiette stasera?
Nun 'o vvide? Aggio aperta 'a cajóla,
Reginella è vulata, e tu vola!
Vola e canta, nun chiagnere ccá!
T'è 'a truvá ‘na patrona sincera,
Ch'è cchiù degna 'e sentirte 'e cantá.
T'aggio vuluto bene a te!...
