Ruaimoko

Rū nui, rū roa
Riu nui, riu roa
Rua nui, rua roa
Te rū i riu

Te rū i te rua
Te rū i mokotia
Te riu i mokotia
Te rua i mokotia
Ruaimoko, ruaimoko, ruaimoko

Ka tanuku koa te tihi o aorangi, ka tanuku
E rere rā taki atu taki mai ngā wai o waitaki, e rere rā
E rere rā taki mai ngā waipuke i aku kamo, e rere rā

Aku kura ki te hau
Nāku i tiki i te pōuriuri
I te pō tangotango
I a hinemanuhiri, i a ruaimoko
E tuki rā i te whēnua