'S daor a cheannaich mi 'n t-iasgach
Seo a' bhliadhna chuir as dhomh
'S daor a cheannaich mi 'n stòp
A bh'air a' bhòrd an taigh 'chladaich
'S daor a cheannaich mi 'n stòp
A bh'air a' bhòrd an taigh 'chladaich
Tha do phiuthar gun bhràthair
'S tha do mhàthair gun mhacan
Tha do phiuthar gun bhràthair
Tha do mhàthair gun mhacan
Tha do bhean òg gun chéile
'S tha mi fhéin dheth gun dalta
Tha do bhean òg gun chéile
'S tha mi fhéin dheth gun dalta
Tha do leabaidh gun chàradh
Tha do leabaidh gun chàradh
Tha do léine chaol bhòidheach
Aig na rònaibh 'ga sracadh
Tha do léine chaol bhòidheach
Aig na rònaibh 'ga sracadh
Tha do ghàrtanan rìomhach
Air ìngnean nam portan
Tha do ghàrtanan rìomhach
Air ìngnean nam portan
'S daor a cheannaich mi 'n t-iasgach
Seo a' bhliadhna chuir as dhomh
