Chan e caoidh Mhic Shiridh
Dh'fhàg an dil' air mo ghruaidh
Sèist:
Hu o ro hu o
Ho ro o hi o hi o
Hu o ro hu o
Chan e caoidh mo leannain
Ged a dh'fhanadh e bhuam
Ach a'caoidh mo bhràthair
Chaidh a bhàthadh 's a'chuan
'S duilich leam do chùl chlannaich
Bhith 's an fheamainn 'ga luadh
'S duilich leam do gheal dheudan
Bhith' ga' reubadh 's a'chuan
Tha do leabaidh gun chàradh
Anns ant-seòmar ud shuas
Cha tèid mise ga càradh
Tha thu ghràidh ro fhad' bhuam
'S tric mo shùil air an rubha
Bhon bhruthach ud shuas
Fiach am faic mi seòl brèidgheal
Latha grèine 's a chuan
