Oiméne oiko pe jaíre
Peteĩ guyra oñemíva
Che ambohéra la cautiva
Oikóre iñapytĩmby
Che py'áre ojatapy
Akãnundúicha iñarõva
Mborayhu chupe arekóva
Aréma iñongatupy
Che rendúna la cautiva
Che renói taha nde ypýpe
Ani upe ka'aguýpe
Ne año reiko resufrí
Che ko ikatúnte avei
Roipe'a mba'e mbyasýgui
Ha ajorávo nde kupýgui
Oikóva ne ñapytĩ
Ne rendaguá arekopáma
Javeve katu guyráicha
Jahúpytyne oimeháicha
Che rekoha mombyry
Anínteke rembyasy
Nde rapykuére opytáva
Ndentéko che ãnga jára
Reikóva iñapytĩmby
Nderehénte nderehénte
Ake ha apáyvo ha'éva
Oiméne piko oikoveva
Che corasõ jarami
Ndenté ne añagui rei
Reiko nde jaula ruguape
Ne resẽigui che rendápe
Nde járagui roñomi
Ha kuña ipy'a hatãva
Mborayhu oikuaase'ỹva
Che corasõme oñotỹva
Kyseichag̃uã mborayhu
Oikohag̃uã che kutu
Manterei jayhupápe
Ou rague che rendápe
Ha ipepópe che peju
