Wurznsepp

Hoizknecht

Wurznsepp


Mordweihnacht 

Wos hamma von früahra, 
Wos bleibt uns von heut? 
Bis' uns an Garaus machan 
Is' nimma weit! 
De Manna im Kriag 
und de Weiba dahoam! 
De Oidn san krank 
und de Kinder dafrorn! 

Wohl 5000 Bauern 
die ham si verschworn: 
Wenn mir jetzt ned helfan 
is's Landl verlorn! 
Über d'Brückn vo Schäftlarn 
sans zogn bei da Nacht 
de Sterna ham glanzt 
und de Bruckn hat kracht. 

Ref: 

Auf gehts nach Minga, 
da Freiheit entgegn! 
Auf gehts nach Minga, 
ins ewige Lebn! 
Auf gehts nach Minga! 
Liaba boarisch sterbn, 
Auf gehts! 
Ois wia Kaiserlich verderbn! 

Wos hot uns da Kaiser 
denn jemois scho bracht? 
De Stadln vabrennt 
und de Nutzviecher gschlacht! 
Leut packts ois zam 
wos ois Waffn ebbs taugt! 
Wos moants wia da Preiss 
wenn ma oruckan schaugt? 

Ref. 

Balthes, pack dein Hammer ei! 
An Neujahr samma wieda frei! 
Auf di werdn de Leut am ehesten hörn, 
für di werdn de Leut am ehesten sterbn! 
Unsa Hoffnung baut auf di! 
Führ uns du auf Minga hi! 
Vo Nord und Süd her ruck ma vor, 
treffan uns am Sendlinger Tor! 

Und wie's an d'Stadt Minga 
hinkemman ans Tor 
do war ois varratn 
und da Riegl war vor! 
Aber zruckt geht koa Boar, 
schreit da Balthes, der Schmied; 
wer so an a Tor klopft 
der klopft so lang ned! 

Ref. 

Und die eisernen Stroach 
donnern hi auf des Tor - 
da reiten d'Pandurn 
nach die tausenda vor. 
Des Wurlt und achezt 
und sturmt nu a Weil 
jetzt hoassts boarisch sterbn! 
koa Gnad is mehr feil! 

Ref. 

Z'letzt liegn de fünftausend 
im Schnee dort, daschlagn! 
Da letzt war da Balthes, 
Der d'Fahna hat tragn. 
Der Schnee is zaganga, 
s'Gedenka zgeht ned 
er is heut no lebendig 
da Balthes, der Schmied!

Consentimento de cookies

Este site usa cookies ou tecnologias semelhantes para aprimorar sua experiência de navegação e fornecer recomendações personalizadas. Ao continuar a usar nosso site, você concorda com nossos Políticas de Privacidade