E maz um dia normal
Djan korda ku saudi, obrigadu pa maz um xanci, Deus
(Nhu libram di tudu bem ki bem pa mal)
Y antis sobritudu protegi tudu kes ke dimeu (ka nhu dexa faltan)
Vontadi y sabedoria pan inkara ku firmeza dizafius di dia a dia
Y sentidu di luta, força y perserveransa pan trilha ku sucessu tudu montanhas di vida
Deus, obrigadu pa tudu kin tem
Nunka ka falta kumida riba noz meza amen
Sem kau di pega npensa txeu na abri mô di tudu
Ma num mumentu nhu ka deixan fika sem inkudu
Deus, obrigadu pa tudu kin tem
Nunka ka falta kumida riba noz meza amen
Tivi sufoku, tivi noites sem luar, ma petalas di sol sempri trazi um novu olhar
Dias cinzentu fazem percebi, ma txuba e nicissariu, só ku sol planta ta seka
Tem um tempu entri simia y kolheita
Ki txoma prucessu y nu tem ki ta prendi seta
Ma tem tempu pa tudu, ma tudu na si tempu
Y um dia tempu ta leba tudu kel ki leba tempu
(Ma tudu na si tempu y um dia tempu ta leba tudu kel ki leba tempu)
Ma, nha sonhu ka tem tamanhu
Nha menti ka tem tetu, mi e um loku visionáriu
Dentu mi tem um poeta solitáriu
Um kriança adormecidu y um Cabral revolucionário
Na nhas veias tem traçus di Vegeta, linhas di Paulo Coelho y trexus di Hemingway
Markas di Kwane Nkrumah, principius di jesus, rivolta di Rosa Parks (rivolta di Rosa Parks, aah)
Me tudu sonhuz di mundu inkorporadu na menti y na alma di um pissoa só
Nta karrega luta di tudu nhas ancestral ki na passadu vivi torturadu a bazi di pó
Nsa li ta ratxa petu, ta sangra sem nenhum priokupaçon si es muzika ta síngra
Nkre toka na ceu di bu korason, na profundezas di bu ser, sem importa ku viraliza
Sem nunka vulgariza...
Mas sim amplia vizon di kenha ki visualiza
(Mas sim amplia vizon di kenha ki visualiza)
Ndicidi ser profundu num mundu undi ki tudo ke vaziu e aplausivel
Nu ta djunta mô pa nu distrui, ma na ora di konstrui tudu mô e invizivel
Kantu Josslyn ko oji sta ku dipresson, fitxadu na kuartu ta pensa só na suicidiu
Pamo falta di impatia ku noz procimu y noz kapacidadi iguuista di raciociniu
Ma nta akridita na ser humanu, inda nha kabalu sta na txuba pamo
Pa nu odja arco iris e obrigatoriu nu predi gosta di txuba
