Nta konfessa, djan divia superaba
Ma amor kin tem pa bo y sentimentu inda ka kaba
E 1 luta konstanti na nha menti y nha koraçon
1 kre fika ma kelotu kre parti pa 1 novu direçon
Ma nta konfessa ma inda ntem sodadi
Tinda nta odja bus fotos nta fika ku vontadi
Na madrugada friu nta ri-lê nos konversa
Nta odja u kuantu nu ama, u kuantu nu surri y nu ka tinha pressa
Y ta duem sabi ma hoji tudu dja kaba, nada ka sta bem kontissi sima nu planiaba
Gossi nka ta ligau pan kontau nha dia mo ki staba
Nem nka ta puxa boka ora ku flam ku ken ku staba
Ta dué ma nten ki aceita vida lança 1 novu dança y nu ka podi rijeita
Na final tudu tem 1 fim y si noz muzika para toka só nu tem ki ruspeta
Nha midjor amiga, ka bu fadiga
Si e assim k bo kre nta rispeitau
Nha midjor amiga, ka bu fadiga
Si e assim k bo kre nta rispeitau
Mo ki ta fika nos sonhu viaja pa Singapura y passa virada d’anu na koncertu Lura
Mo ki ta fika nos planu di tem noz kaza djuntu, tudu ki nu fala, nu prometi y tudu nos assuntu
Mo ki ta fika noz sonhu di tem noz Range Rover? Mo ki ta fika noz planu di fazi ski na invernu?
Mo ki ta fika? Flam mo ki ta fika? Mo kin ta fika? Nkre po flam mo kin ta fika
Ta duem sabi ma hoji tudu dja kaba, nada ka sta bem kontissi sima nu planiaba
Gossi nka ta ligau pan kontau nha dia mo ki staba nem nka ta puxa boka ora ku flam ku ken ku staba
Nta prometi man ta supera, ma antiz dissu NTEN certeza ma nta sufri txeu
Nton ko atxa stranhu si algun dia min skrebeu e ki as x sodadi e txeu y nha maior vontadi e só teneu
Nha midjor amiga, ka bu fadiga
Si e assim k bo kre nta rispeitau
Nha midjor amiga, ka bu fadiga
Si e assim k bo kre nta rispeitau
Na solidon nsinti bu ausência, oh baby
Na solidon dan sodade bo presença
Tudu kun pensa ma era pa mi, agora ta na mon di 1 otu alguém
Nta spera k bo e feliz
Nha midjor amiga, ka bu fadiga [?]
Si e assim k bo kre nta rispeitau
Nha midjor amiga, ka bu fadiga [?]
Si e assim k bo kre nta rispeitau
