Morgadu nhu ten ki intende
Ma fidju pobri é fidju Deus tanbé
Amizadi tudu algén ta xinti
Amor bali mas ki dinheru
So pamodi nhu sta riba sobradu
Nhu kuda nho ke donu di mundu
Ta pensadu ka ta more mas
Nhu skese ma tudu ta fika li me
Nha bida skoregadu
Kama baziu sonu perdidu
Na dor di un amor negadu
Korpu sta duenti alma fridu
Subi kutelu n ba djobe Ana
E po-m katxor na mei di fodjada
E manda fla-m ma se fidju femia
Ken ki mexe ko'l me-s ta ramanga kaisa
Ma nos amor é pe di lenba-lenba
Nha kurason sta tirsidjadu
Kusa ki kredu ka ta mingadu
Si bu roxa na mi n ta bira dodu
Ana bus odju é padja fixon
Nha petu kenti é águ d'asukra
Gana tene-bu ki ta magrise-m
N ta panha lensinhu pa n linpa lágua
Ana si bu spera-m
A ki n risebi n ta ba buska-bu
Ana si bu spera-m
A ki n risebi n ta ba buska-bu
Mi n ta fase-bu sima bu meresi
Pa Nhu Morgadu da-m nha valor
Dja n bendi medu pa n kunpra koraji
Pa n ba simia riba Piku d'Antónia
