Ingratu é korbu ki bai ka ben
Finjidu é flor di figera
Ki ta dismara so di noti
Sumuladu é katxor di Nhanha
Ki rabata-m nha pon ku mantega
Ki rukuti-m ponta nha dedu
Nhu Kapatas ka nhu badja-m fandandu
Ka nhu brinka-m ku pon di nha fidju
Nha mininu ka ta kumi téra
Nha Balila manda fla-m
Ma tudu surizu é ka amizadi
Pamodi denti ka ten sangi
Bentu ta panha pilon
Ta panha po ki fari balai
Nha Balila manda fla-m
Ma ladron ka ten sinal na testa
Nen kordon na sentura
Ma dia ki buru lenbra se nomi
Sinhor kabalu ten ki poi padja
Xa di rubera, xa di rubera
Xa di rubera ki ta sustenta polon
La nha rubera, la nha rubera
La nha rubera nha genti nha bida nha txon
Ingratu é korbu ki bai ka ben
Finjidu é flor di figera
Ki ta dismara so di noti
Sumuladu é katxor di Nhanha
Ki rabata-m nha pon ku mantega
Ki rukuti-m ponta nha dedu
Nhu Kapatas ka nhu badja-m fandandu
Ka nhu brinka-m ku pon di nha fidju
Omi ku fomi ka konxe lei
Fidju femia é pa sirbi mai
Fidju matxu é pa sirbi stadu
Deus ki da-m boka ta da-m bokadu
Dipos di txuba sol ta sai
A ki azágua sta filadu
Djandjan ten ki tadjadu
Munti bes n durmi sen djanta
Ma nunka n deta sen rasa
É nha fe ki ta salva-m
Agu furtadu ka ta basta sedi
Kudjer paduku ten bokadu grandi
Filozofia di mar é maré
Sima lansol na korda e ta ratxa
Korason di algen ka ta brinkadu ku el
Ka ta brinkadu ku el
Korason di algen ka ta brinkadu ku el
E ta kema, e ta fria, e ta sangra
Korason di algen ka ta brinkadu ku el
Ka ta brinkadu ku el
Korason di algen ka ta brinkadu ku el
E ka ta koze nen e ka ta txapa
