Una vita sempre scola, a menarmeo soto a tola
mi no ciapo voti boni rompo solo che i coioni
una vita sempre scola, co dei compiti par casa
che ogni volta che noi fasso go pronta sempre na scusa
lì, sempre lì anca st'ano
me toca fare a tersa
una vita sempre scola, parchè studio sempre poco
a vo fora coi amissi o sto a menarme l'oco
una vita sempre scola, no go mai avù zarvelo
se i me incula st'ano i me poe tore come bidelo
lì, sempre lì anca st'ano
me toca fare a tersa B
sempre lì, sempre in tersa
so rassegnà no la finisso pì
una vita sempre scola e no riesso gnanca st'ano
a far un discorso sensa porchi e in italiano
una vita sempre scola, me lo dise anca me mare
che se vago a lavorare go finìo de tribolare
lì, sempre lì anca st'ano
me toca fare a tersa B
sempre lì, sempre in tersa
so rassegnà no la finisso pì
