Mo chràdhghal bochd
Mar a tha mi nochd
'S mi gun tàmh gun fhios gun sunnd
Mo chràdhghal bochd
Mar a tha mi nochd
'S mi gun tàmh gun fhios gun sunnd
Gun sùrd ri stàth
Gun dùil ri bhith slàn
Chaidh mo shùgradh gu bràth air chùl
Gun sùrd ri stàth
Gun dùil ri bhith slàn
Chaidh mo shùgradh gu bràth air chùl
Mu dheagh mhac ruairidh nan long
Làmh a libhrigadh bhonn
'S a bha measail air fonn luchd ciùil
Mu dheagh mhac ruairidh nan long
Làmh a libhrigadh bhonn
'S a bha measail air fonn luchd ciùil
'S e bhith smuaineachadh ort
A chràidh mi am chorp
Is a chnàmh na roisg bho m' shùil
'S e bhith smuaineachadh ort
A chràidh mi am chorp
Is a chnàmh na roisg bho m' shùil
Mi ri smuaintean bochd truagh
Is ri iomradh baoth buan
'S mi gad ionndrainn-sa bhuam, 's tu b'fhiù
Mi ri smuaintean bochd truagh
Is ri iomradh baoth buan
'S mi gad ionndrainn-sa bhuam, 's tu b'fhiù
Deagh shealgair am frìth
Bha gun cheilg do thaigh rìgh
Agus seirbheisach dileas crùin
Deagh shealgair am frìth
Bha gun cheilg do thaigh rìgh
Agus seirbheisach dileas crùin
Tha do chinneadh fo ghruaim
'S gach aon fhine mun cuairt
On là grinnicheadh d'uaigh sa chrùist
Tha do chinneadh fo ghruaim
'S gach aon fhine mun cuairt
On là grinnicheadh d'uaigh sa chrùist
Mun t-sàr ghaisgeach dheas threum
Ann am batail nan ceud
Cha bu lapach sàs leum ud thu
Mun t-sàr ghaisgeach dheas threum
Ann am batail nan ceud
Cha bu lapach sàs leum ud thu
Làmh churanta chruaidh
Ann an iomairt 's gach buaidh
Chan uarrainn domh d'uaisle, ruin
Làmh churanta chruaidh
Ann an iomairt 's gach buaidh
Chan uarrainn domh d'uaisle, ruin
Do thaigh talla fo ghruaim
'S e gun aighear gun uaill
Far'm bu mhinig a fhuair sinn cuirm
Do thaigh talla fo ghruaim
'S e gun aighear gun uaill
Far'm bu mhinig a fhuair sinn cuirm
