Supastar

Supastar, Supastar
jeder wird heit Supastar
is de Birn a no so laa
es reicht für n Supastar
bist du Exhibitionist
und hast es bisher nur nid gwisst
geh zum Fernsehsender hi
da suacht ma solche Leit wia di
Leut se zum Trottl machen
dass Millionen drüba lachn
spieln den Depp für d Kamera
und glabn se werdn dabei zum Star
Supastar, Supastar
schauts da geaht da Supastar
so a Trottl jessasna
schauts da Supastar
Supastar, Supastar
jeder wird heit Supastar
bissl Styling tscha, tscha, tscha
scho bist Supastar
da Joe aus Lend
falls eahm wer kennt
da Mustafa aus Oberalm
da fesche kevin aus Michee
und a de Huaba Desiree
Germanys next Buttermodel
Austrias next Supadodl
Salzburgs next Ohrwaschlquäler
Lungaua next Echlengschäler
Supastar, Supastar
jeder wird heit Supastar
woaßt des is heit gar nid schwa
glei bist Supastar
Supastar, Supastar
jeder wird heit Supastar
a so manch Politika
wird zum Supastar
blasse Abziahchbüddla
de dem Boulevard einekräuln
schleimige Machttechnokraten
de alls für d Karriere tatn
hirnverbrannte Stammtischschwätzer
primitive Leitaufhetza
Hooligans fürs Hoamatland
mit Juckn in da rechtn Hand
Supastar, Supastar
werst als Politika
schleima hetzn blablabla
scho bist Supastar
Supastar, Supastar
jeder wird heit Supastar
Prominente werdn hiatz a
oft zum Supastar
laft die Karriere mäßig
und s Finanzamt is gefräßig
is de meistn wurscht was treibn
nur damit s am Bildschirm bleibn
Promi Dinner Seitenblicke
Adabei TV Gezicke
und bist dann scho fast vagessn
muaßt in Dschungl Käfer fressn
Supastar, Supastar
jeder wird heit Supastar
würdelos und voll ga ga
aba Supastar
Supastar, Supastar
jeder wird heit Supastar
mei des is ja gar nid schwa
mir wern des hiatz a , ja