Tamara
Tamara
Napundi ki N bai N limia bu nomi
Riba lá na Munti Graciosa
Baxu-li na Kural di Baxu
Na pena-l kasa Nhu Papaxu
Ma lensu branku nhe mi taprera
É tistimunha nha puréza
M'é tistimunha nha puréza
Aiam, aiam
Aiam, aiam
Aiam, aiam
Tamara!
Tan kredu, é mutu kredu, é forti kredu
Tem kredu Ave Maria graça!
Tamara!
N ta deta noti N sunha ku bô
Manxi sedu N kontra ku bô
Da-m xintidu na bô minina
N soma riba nha kutelu
Tamara t'anda tchom ta biki-biki
Ê tá pasa ku dós biku dentu di si dôs ombru ta balansia, aiam?
Ora ki Tamara ta pasa o ku troxa o sen troxa
O ku boleia o sen boleia, o ku lata o sen lata
O ku agu o seku torádu
Katchoru ta ladra, karu ta para, txuba ta txobi
Ómi ta ri, mudjer ta gadjéta
Ami N ta pripara tudu pa-m kombersa ku Tamara
Óra ki N kontra ku el sima ki palavra ta nferujá na garganta
N ta bai pa-m papia, N ka ta papia
N ta bai pa-m papia, N ka ta papia
N ta bai pa-m papia, N ka ta papia
N da rankada pa-m fla-l si
Tamai
Tamara
Su mara um kusinha N kombersa ku bo
Mi ké rapasinhu di Munteria
Ami N ka balenti pa-m da prumeru
Ami támbi nem ka kobardu pan kóri dipos
Ami N ka mininu pididu
Nem kapinton di janeru
Kobardu é kenha ki dá prumeru karamba
Desdi ki N nasi N nxinadu
Ma kem ki tem kudja ronka ta kema mó
Bixeru mansu mama si mai más alguém
Edukasan é txabi ki abri tudu porta
Êêê Tamara!
Ken ki kredu dadu róstu
Ken ki ka kredu ta dadu kosta
Ken ki ta mestedu durmi na frieza
Ami N ka tem mutu kusa pa-m da-bu
Ma ami N tem um puezia pa-m kanta-bu
N tem um kantiga kin ta kanta ninguén
Es anu si Dios dja kre na lua xeia
N tene um kusa pa-m konta-bu
N podi konta-u stória d'um bes
Ora ki nu ta xintaba na parapetu
Ki N ta kontadu lobu ku xibinhu
Si keli bu ka muntu gosta
N ta konta-bu um stória di amor
D'um skrava ki txoma Iliaca
Gostaba d'um rapas ki txoma Dentican
Ês konxeba na pé di Kilimanjaro
Stória keli N ka ta konta más ki si
Pamó e ka tem um final filis
Filizardu é mi ki kontra ku bo, Tamara
Lebu dja-m pasa sabi karamba
Rapazis purgunta-m si N tem mesinhu
Kel é sorti ki Nhordes da-m
Kada um ku si meresimentu
Ken ki kredu i é kredu támbi
Tamara!
Da-m bu odju N limia kaminhu
Da-m bu boka N kume ku el
Da-m kabesa N mata-u kri
Ti deta na petu N nina-u sonu
Ó ó ó ó
Tamara!
Pista-m bu odju N limia kaminhu
Da-m bu boka N kume ku el
Da-m kabesa N mata-u krit
Ti deta na petu N nina-u sonu
