Nuair bhios mi leam fhìn
Bidh tu tighinn fainear dhomh
Bidh mi togail fonn
Air nigh'n donn nam meal-shùil
Nuair bhios mi leam fhìn
Bidh tu tighinn fainear dhomh
'S mise tha fo mhinginn
'S mi stiùireadh na birlinn
Ciamar bhios e dìreach
'S nach i a tha air m'aire
'S nuair chì mise 'n òigridh
San eaglais Di-Dòmhnaich
Chan fhaic mi ann an òigh
As bòidhche na mo leannan
Nuair bhios mi leam fhìn
Bidh tu tighinn fainear dhomh
'S thig iad as gach àite
Far mullach nan àrd-bheann
Cìobairean is tàillearan
Gam fhàgail falamh
'S ged thigeadh gad iarraidh
Mormhairean is iarlan
Na gabh aon dhiu 'm bliadhna
'S mise, chiall, bhith bhuat
Nuair bhios mi leam fhìn
Bidh tu tighinn fainear dhomh
'S ged thigeadh gad fharraid
Diùc agus fear-fearainn
Fan thusa mar a tha thu
Banail mar bu dual
H-uile te bheir luaidh dhomh
Bheir fear eile bhuam i
'S b'airidh mi air duais
A bhuaidh a bha 'gam leantail
