N kria podê andá na rua pa tude jente oiá-me
Ke ese primavéra ta benite lá fóra
Y inkuante sol tive ta brilhá
Un nove dia ten ke batê na pórta
Mãi el sô na kaza, úniku fidje de saída
Ta preokupóde é se se fidje ta uza prezervative
Pa mãi fidje ka ta kria, ta mantê tude pikenin
Será ke nha fidje ta drete? Hum, el ka ta durmí
Tónte koza na se kabésa ke el ka ta podê petá fóra
El ka ten présa ma tud'óra ta spiá na óra
Inpasiente ta sperá pa un mau notísia
E ta rezá pa ise ser bo fidje ta na plisa
K'é fásil de rezolvê, ô poloménus más fásil
K'é pior el ka ta guentá ke se korasãu é frájil
Y el ta velha, ta enxide de imosãu
Sô na ramede k'é pa podê baxá-l se tensãu
Derapente telefone ta toká, korasãu na mô
Xávena já largá-l, kafé ta na txon
Un alô friu, ta sperá pa un notísia grave
Mãi é mi, abrí pórta ke N ka levá xave
N kria podê andá na txuva y ka moiá
Ke ese tenpestade ta forte lá fóra
Y enkuante vente ka pará de soprá
Mau notísia ten buleia tê pórta
Mãi el sô na kaza, se fidje já ta na street
Ta preokupóde ke pa ela el ka devia ter saíde
Ela ten txeu mede, ese rua ta perigoze
Y el konxê-l drete, el sabê manera ke el é nervoze
Ela kria-l ku tude sforse ma já no konxê ese jóvens
Rebeldia kónde ses mãi krê sô p'es da ome
El ten dôs fidje, mas ese lenbrá-l más de se maride
E ke moré a três óne atras na trabói la pa Madrid
E ten ke kriá-s el sô, dés' ke el feká viúva
Mas ese más grande ta kada vês más kabésa dura
El lenbrá kel dia ke el levá-l pa ospital
Ote semana deriba k'el bá beská-l na poste pulisial
Derapente móvel ta toká, korasãu na mô
Xávena já largá-l, kafé tá na txon
Un alô friu segide de u-ke ke ti ta kuntesê
Dona Bia, N ka sabê nen kome kontá bosê
N kria podê andá na núven y ka rolá
Ese tenpestade ta fei li debóxe
Y enkuante dog tiver ta reiná
Mau notísia ten buleia tê pórta
