Muerre la hora azul sobre la mar
Pero toi tan lloñe que nun voi tornar
Tantu cutu fai qu’entamo a tremecer
Quiciabes son les ganes de volvete a ver
Escampla’l cielu nel intre y se fai la lluz
Les estrelles llévenme onde tas tú
Toi d’abéu, guíame’l Sietestrellu
Y el maréu de pensar en ti
Cúrase darréu
El nordeste traime una canción
Sobre un paxarín cautivu qu’esnaló
Deprendila ayuri y llueu escaecí
La llingua secreta na que la sentí
Rapacina, ye la to canción
Que davezu fai que pierda la razón
Toi d’abéu, guíame’l Sietestrellu
Y el maréu de pensar en ti
Cúrase darréu
