Tu, che mm' e' 'mparato a fa',
che "Kiss me" vène a di'
"Io te vurria vasà".
Io, purtánnote cu me,
che t'aggio ditto a fa'
"Só' 'nnammurato 'e te".
Pecché, vasánnome accussí,
tu mm' e' 'mparato a di'
sti ccose scanusciute.
Capre, Surriento
e 'sta luna,
se ne só' ghiute cu te.
Tu, sapenno 'e nun turna',
che mm' e' 'mparato a fa'
sti ffrase furastere.
Ammore,
ched è 'a felicitá
che mm' e' 'mparato a fa'.
'E stelle d''a marina,
chella sera,
pareva ce vulessero 'ncanta'.
Però, ogne stella
ca scenneva a mare,
screveva 'ncielo: "Addio felicitá".
Tu, che mm' e' 'mparato a fa',
che "Kiss me" vène a di'
"Io te vurria vasà".
Io, purtánnote cu me,
che t'aggio ditto a fa'
"Só' 'nnammurato 'e te".
Pecché, strignennome accussí,
tu mm' e' 'mparato a di'
sti ccose scanusciute.
Capre, Surriento
e 'sta luna,
se ne só' ghiute cu te.
Tu, sapenno 'e nun turná,
che mm' e' 'mparato a fa'
sti ffrase furastere.
Ammore,
ched è 'a felicitá,
che mm' e' 'mparato a fá.
Ammore,
ched è 'a felicitá,
che mm' e' 'mparato a fá.
