Þegar ég vaknaði um morguninn eftir að þú komst inn til mín
hafði vaxið kýli milli brjóstanna á mér
Ég hélt það væru kóngulær því mig kitlaði og sveið
Ég fór til læknisins og hann strauk á mér brjóstin og sagði,
Ungfrú, til hamingju, þú ert ástfangin!
Komin tæplega hálfan sólarhring á leið!
Og ég gekk örvingluð niður Laugaveginn, fokking sjokkeruð
ástfangin það getur ekki verið, og þó?
Og ég man ekki hvað þú heitir, man ekki hvar ég fann þig
Og ég man alls ekki hvert þú fórst...
Ungfrú, til hamingju, þú ert ástfangin!
Komin tæplega hálfan sólarhring á leið!
Og síðan hef ég þrætt alla bari bæjarins
Og ég hef ákveðið að kalla þig Jón
Og ég veit þú munt elska mig svo mikið
Og við verðum frábær hjón
Ungfrú, til hamingju, þú ert ástfangin
Komin tæplega hálfan sólarhring á leið
Og ég veit þú munt elska mig svo mikið
Og við verðum frábær hjón
Svo frábær að við birtumst hjá Sirrí
Hönd í hönd, þú og ég Jón
