Es isch hålb'r åchta, i muaß buggla fohra.
Her mit'm Autoschlissl, Friahstick kånnsch d'r spåra!
Und i muaß mi gschleina, weil i is Büro muaß,
doch dåfållt mir in, daß i no schnall aufs Klo muaß!
Gånz ruhig bleiba, nur koa Panik måcha -
des geaht iatz leider it - weil i hån an Streß!
Und i sitz am Heisle, wos m'r so schea virkinnt,
doch i bin verzweifelt, weil i koa Papier find'!
Endlig find i oas, då klapprat's in d'r Schissl -
gråd wia i spiala will, und furt isch d'r Autoschlissl!
Gånz ruhig bleiba, nur koa Panik måcha -
des muaß iatz oafåch geah!
Jed'r håt an Streß! Jed'r bugglt volle Preß!
Und i keah'r då å dazua, åb'r iatz isch gnua!
Jed'r håt a Brett vur'm Grindt, damit er it zum Denka kinnt.
Aus! Schluß! Fertig! Iatz will i mei Ruah!
I muaß a Auto leicha, nimm des vo d'r Schwescht'r,
und i fåhr wia wild, beim Gasgeba bin i Bescht'r!
Hundertfufzig Såchen - so a Super-Feeling,
doch då blitzt des Radar, zåhl zwoatausend Schilling!
Gånz ruhig bleiba, nur koa Panik måcha -
des geaht iatz leider it - weil i hån an Streß!
Kimm zu meiner Firma, doch i kimm it inni.
Ålla Tira zua - um fümf vur åchta? Spinn i?
Klopf an ålla Tira, an dia dobig und dia duntig,
doch då fållt m'r in: Oje, heind isch jå Sunntig!
Gånz ruhig bleiba, nur koa Panik måcha -
nå siesch iatz geaht's ja doch!
