Chorus (after each verse):
'S e nighean mo ghaoil-s' an nighean donn òg
Nam biodh tu ri m' thaobh cha bhithinn fo bhròn
'S e nighean mo ghaoil-s' an nighean donn òg
'S I màiri nic neacain as daicheile pearsa
Ghabh mis' uiread beachd oirr' ri neach a tha beò
Nuair sheallainn air d'aodann 's mi'n coinneamh ri d'fhaotainn
Bu mhath leam na faodainn bhith daonnan 'nad chòir
'S on thug thu dhomh gealladh, 's ann dhut-sa nach aithreach
'S chan fhaicear thu'n ath-bhliadhn' 'nad bhanarach bhò
Cha tèid thu do'n bhuailidh a bhleoghan cruidh ghuaillfhionn
'S cha chuir thu ort cuaran 's gur h-uallach do bhròg
Chan fhòghnadh le m' chruinneag a' bhuarach neo chuinneag
'S cha chluinnear gun cumadh I cuman 'na dòrn
Cha leig mi thu'n fhireach thoirt cruidh as an innis
Air eagal na gillean bhith sireadh do phòg
