Soavends noa mien waark, aaltied mit bus noar hoes
t Ritje duurt zo'n drij ketaaier
En din bin ik weer thoes
'k Ston lest ook weer te wachten
Op bus bie 't Zuderdaip
'k Haar net de leste buzze mist
Dou "Maal Elske"noar mie raip:
refr.:
Ik mout noar Beem, noar Beem, wilst zover mit
Ik goa doar noar mien moeke tou
En noar mien zuster Jet
Ik mout noar Beem, wilst mit, aans mou joe lopen
Mor veurdak nee kon zeggen, haar zai deur al open
Trillend van zenen, stapde ik bie heur in
Zai fieterde der in ainen van deur
En ik docht: "dij het zin"
Ik zee: "ik mout noar Tjuggem
Dat ligt vlakbie Tjamsweer"
Zai zee: "dat is mie wel bekend jong"
En gas kreeg 'n ekstroa sneer
refr.
Mor Beem ligt nait bie Tjuggem
Dus ook nait bie Tjamsweer
En twij en haalf uur loater haar 'k het echt nait meer
"'k Wil mit die snoetjeknovveln"
Zee dizze hampe-tamp
Ik zee: "ik wil der laiver oet
Doe bist ja 'n grode ramp"
refr.
Ik knidderde en knidderde, ging tegen heur tekeer
'k Heb mie nog noeit zo misselk vuilt
Dit overkomt mie echt nait weer
Nou soavends noa mien waark
Noeit weer mit bus noar hoes
Want ik heb mie 'n aigen auto kocht
En bin in 'n haalf uur thoes
"Gaaistoe mor noar Beem, mor ik rie noeit weer mit
Ik wil nait noar dien moeke tou
Of noar dien zuster Jet
En kom ik die ooit weer tegen
Het heurt meschain bezopen
Al wilst mie ofzetten bie mien deur
Ik goa nog laiver lopen"
