Er weckt mi uuf, ich haue druuf
Das ding das schtresst mi, mir chnurrt de buuch
Ich füll mr s’glas, mit neuem wii
In form vo multivitamin
Dänn schlürf I müed zur türe uus
Es brot, e zitig, e schtubeluus
Chum wider ie, ligg wider ab
Shit, früschi luft macht schlappp
Wott meischtens schlafe, schtah nüm uuf
Wien es wasserbett imne warehuus
Gib mer en tag, ich bruch en uuf
Loh d’luft usem wienen platzte schluuch
S’git nüt wonich nöd längscht ha gseh
Infotainment isch längscht passé
Ciao zäme das isch’s jetz gsii
D’show isch verbii
Ich bruch öppis neus
Öppis wo mi us em huus us lockt, min atem schtockt
Wo heiss und fettig vo de decki tropft
Ich bruch öppis neus
Öppis wo mer im nacke hockt, mis herz frohlockt
Wo de alti schtaub us mim hirni chlopft
Ich bruch öppis neus
A de migroskasse, en alte fründ
Seit “stern läck was bisch du verpennt”
Ich chegges nöd bisch du bisch doch schtar
Sötsch underwägs si bis gibraltar
Schön wärs scho, so wie I de ziitig
Doch als schwizer rocksch am friitig
Di räschtlich zit goht’s mir gnau gliich
Wi allne andre gäg de schtrich
Mues feischter butze chüelschrank fülle
Nüt mit kreativ go chille
Nüt mit ändlos d’wält bereise
Am fritig fit wider dihei sii
Eigentlich isch’s gar nöd schlimm
Doch mir chunnt eifach nüt in sinn
Und hani mal e gueti idee
Dänn hets si sicher scho ggeh
Ich bruch öppis neus
Öppis wo rockt
Ich bruche öppis wo mi schtupft
Öppis wo mi us de schiissi lupft
Öppis wo’s füür im tach entfacht
Wo mir wi gold entgägelacht
Öppis wo mer d’freud nöd tuet verderbe
Wo mi laht würdig älter werde
Und wänns chli weniger döf sii
Dänn wär es neus lied völlig easy
Irgenddöppis, öppis neus
Irgenddöppis, öppis wo mi freut
Irgenddöppis, öppis neus
Öppis wo wapabaluba ewapämdum
Wo rockt!
